Бел | Рус
Паважаны Аляксандар Рыгоравіч Лукашэнка.
30 снежня мінулага 2009 года, вы зрабілі прэсс-канферэнцыю для беларускіх Сродкаў Массавй Інфармацыі. Асабліва закрануў ваш адказ наконт пытання пра беларускую мову.
Нельга не згадзіцца з тым, што "язык – это та сфера, которая не терпит никакой диктатуры и насилия”. Навязваць каму-небудзь беларускую мову няма сэнсу, бо атрымаецца тое, што было ў 1991-94 гадах. Любы працэсс над чалавекам, выкананы з дапамогай сілы дае двайны негатыўны эфект.
Замест таго каб прымушаць, патрэбна прывіваць беларускую мову нашаму народу, патрэбна іх зацікавіць і паказаць, што гэта неад'емная частка іх самабытнасці і самясвядомасці.
Руская мова глыбока укаранілася ў нашу культуру і цесна з ей пераплялася. Мы звязаны с Расіяй не адным стагодзем,і таму было бы вельмі не разумна пазбаўляць сябе і адмаўляцца ад рускай мовы, якая мае вялікі арэал ужывання па ўсім свеце. Як вы добра заўважылі, "только идиот в Беларуси может отказаться от русского языка".
Але не патрэбна забываць, што мы ўсе ж такі беларусы, і даць магчымасць тым, хто не толькі хоча размаўляць на беларускай мове, але і вучыцца ў школе па-беларуску,у вышэйшай навучальнай установе, каледжу, адпраўляць сваіх дзетак у садок, дзе яны будуць гутарыць на беларускай мове, хадзіць у кіно ці лялечны тэатр, дзе будзе гучаць беларуская мова. Такіх беларусаў, нажаль не шмат зараз у нашай краіне, але яны есць.
Так як мы жывем у дзяржаве, якая павінна клапаціцца і ўлічваць інтарэсы кожнага ў каго на пашпарце напісана " Уладальнік гэтага паштпарта знаходзіцца пад абаронай Рэспублікі Беларусь”, я лічу што патрэбна даць магчымасць тым, хто хоча жыць па-беларуску адчуць гэта.
Толькі ад нас залежыць ці будуць нашыя дзеці размаўляць па-беларуску.
Дзякуй.
Васіль Лучкоу
|